...

Mingəçevir Dövlət Universitetinin tələbəsinin təşəbbüsü ilə “Qəlb gözü” layihəsi reallaşdırılıb (FOTO)

Cəmiyyət Materials 19 Oktyabr 2021 19:43 (UTC +04:00)
Mingəçevir Dövlət Universitetinin tələbəsinin təşəbbüsü ilə “Qəlb gözü” layihəsi reallaşdırılıb (FOTO)

Trend-i buradan izləyin

Bakı. Trend:

Təhsil sahəsində ixtisaslaşan “Education HUB”-ın təşkilatçılığı ilə İnkişaf Zamanı Proqramı çərçivəsində Mingəçevir Dövlət Universitetinin (MDU) tələbəsi Nadir Hüseynovun təşəbbüsü ilə Qusar rayonunda “Qəlb gözü” layihəsi reallaşdırılıb.

Layihə başlamazdan əvvəl, Qusar gəncləri ilə motivasiya xarakterli görüş keçirilib. Görüşdə Quba regional “ASAN Xidmət” Mərkəzinin, Könülüllər üzrə məsul şəxs və Karyera məsləhətçisi Vəfa Rüstəmova, Gənclərin İnkişaf və Karyera Mərkəzinin Qusar nümayəndəliyinin direktoru Zarina Apayeva, MDU-nun tələbəsi, Eco-Generation Regional Ambassador proqramının Azərbaycan üzrə gənc səfiri N.Hüseynov gənclərlə motivasiyaedici söhbətlər aparıblar.

“Qəlb gözü” layihəsində iştirak edən gənclər yaşadıqları mühitlərdə yaradılmış imkanlardan daha çox məlumatlı olmaları və faydalanmaları, dəyərli vaxtlarının fərqinə vararaq şəxsi inkişafları ilə bağlı araşdırma və cəhd etmələri üçün istiqamətləndirilib, öz məqsədlərini və arzularını paylaşıblar.

Görüş interaktiv şəkildə həyata keçirilib və gənclərin marağına səbəb olub.
Sonda isə iştirakçılar sertifikatlarla təltif ediliblər.

Məqalədə:
Xəbər lenti

Xəbər lenti