...

Bravo hipermarketdə “Plastik butulkanı ekoçantaya dəyiş” aksiyası keçirilib (FOTO)

Cəmiyyət Materials 18 İyun 2022 18:46 (UTC +04:00)
Bravo hipermarketdə “Plastik butulkanı ekoçantaya dəyiş” aksiyası keçirilib (FOTO)
Fərid Zöhrabov
Fərid Zöhrabov
Bütün xəbərlər

Bakı. Trend:

Ekologiya və Təbii Sərvətlər Nazirliyi tərəfindən “Plastik butulkanı ekoçantaya dəyiş” aksiyasına start verilib. İlk aksiya bu gün “Bravo” marketlər şəbəkəsi ilə birgə Koroğlu Bravo hipermarketində keçirilib.

Nazirlikdən Trend-ə verilən məlumata görə, aksiya zamanı ümumi tutumu 2622 litr olan plastik butulka yığılıb.

Ekoloji Maarifləndirmə və İctimaiyyətlə Əlaqələr şöbəsinin müdiri Səyyarə Məmmədova bildirib ki, yığılan plastik tullantılar “AzEkol” MMC tərəfindən təkrar emala yönləndirilib.

“Aksiyanın yay mövsümündən başlanılması xüsusi önəm kəsb edir. Çünki bu mövsümdə plastik butulkalardan istifadə artır, nəticədə plastik tullantıların da sayı çoxalır. İstifadə edilmiş plastik butulkaları çeşidləyib təkrar emala yönəltməklə ətraf mühitin təmizliyinin qorunmasına töhfə verən bütün vətəndaşlara təşəkkürümüzü bildiririk. Qarşıdan gələn aksiyalarda da hamını belə fəal olmağa səsləyirik”.

S.Məmmədovanın sözlərinə görə, növbəti aksiya Sumqayıtda keçiriləcək. Bu barədə elan Nazirliyin saytında və sosial şəbəkələrdə öncədən paylaşılacaq. Növbəti günlərdə aksiya həmçinin regionlarımızda da davam etdiriləcək.

Məqalədə:
Xəbər lenti

Xəbər lenti