...

MİQ üzrə əlavə vakansiya seçimi həyata keçiriləcək

Cəmiyyət Materials 23 Avqust 2022 16:50 (UTC +04:00)
MİQ üzrə əlavə vakansiya seçimi həyata keçiriləcək
Humay Ağacanova
Humay Ağacanova
Bütün xəbərlər

Bakı. Trend:

24-26 avqust tarixlərində 2022-2023-cü tədris ili üçün Təhsil Nazirliyi sisteminə daxil olan ümumi təhsil müəssisələrinə müddətsiz müqavilə ilə müəllimlərin işə qəbulu (MİQ) üzrə müsabiqənin əlavə vakansiya seçimi həyata keçiriləcək.

Bu barədə Trend-ə Təhsil İnstitutunun İnsan Resursların Mərkəzindən xəbər verilib.

Qeyd edilib ki, 24 avqust saat 11:00-dan etibarən start veriləcək və proqram təminatı tətbiq olunmaqla mərkəzləşdirilmiş qaydada təşkil olunacaq.

Namizədlər 26 avqust saat 11:00-dək şəxsi səhifələrinə daxil olmaqla vakant yer seçməli və elektron ərizələrini təsdiq etməlidirlər.

Əlavə vakansiya seçimlərində müsabiqənin test imtahanı mərhələsində 40 və daha yüksək bal toplamış namizədlər iştirak edə bilərlər. Vakant yer tutduqdan sonra imtina edən namizədlərin növbəti turlarda iştirakı təmin olunmayacaq.

Qeyd edək ki, vakant yerlərə işə qəbul edilmiş şəxslər üçün təqvim ili ərzində müsahibələrin həyata keçirilməsi nəzərdə tutulub.

Məqalədə:
Xəbər lenti

Xəbər lenti