...

Azərbaycanda narkotiklə bağlı 99 xarici vətəndaş cinayət məsuliyyətinə cəlb edilib

Cəmiyyət Materials 1 Aprel 2023 12:31 (UTC +04:00)
Azərbaycanda narkotiklə bağlı 99 xarici vətəndaş cinayət məsuliyyətinə cəlb edilib
Elçin Mehdiyev
Elçin Mehdiyev
Bütün xəbərlər

Bakı. Trend:

Ötən il ərzində Azərbaycanda narkotiklərin qanunsuz dövriyyəsi ilə bağlı cinayət məsuliyyətinə 8677 nəfə cəlb edilib.

Trend-in məlumatına görə, bu barədə Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının “İllik Hesabat”ında qeyd edilib.

Onlardan 16-18 yaş 13 nəfər, 18-25 yaş 601 nəfər, 26-29 yaş 1439 nəfər, 30 yaş və ondan yuxarı isə 6624 nəfər təşkil edir. Həmin şəxslərdən 8446-sı kişi, 231-i qadın olub. Cinayət məsuliyyətinə cəlb edilmiş şəxslərdən 99 nəfəri xarici ölkə vətəndaşıdır.

Məsuliyyətə cəlb edilmiş 99 xarici ölkə vətəndaşından 48-i İran İslam Respublikası, 19-u Rusiya, 15-i Türkiyə, 10-u Gürcüstan, 2-si Ukrayna, 2-si Turkmenistan, 1-i Qazaxıstan, 1-i Pakistan və 1-i Maldiv vətəndaşı olub.

Məqalədə:
Xəbər lenti

Xəbər lenti