Bakı. Trend:
2023-cü ilin ilk iki ayı ərzində Azərbaycanda 11191 ölüm halı qeydə alınıb.
Bu barədə Trend-ə Dövlət Statistika Komitəsindən məlumat verilib.
Ötən ilin müvafiq dövrü ilə müqayisədə əhalinin hər 1000 nəfərinə ölüm səviyyəsi azalaraq 7,7-dən 6,8-ə düşüb.
Qeyd edək ki, ötən il ölkədə 60810 ölüm halı qeydə alınmış və əhalinin hər 1000 nəfərinə 2021-ci illə müqayisədə ölənlərin sayı 7,7-dən 6,0-a qədər azalmışdır. Ölənlərin 1925 nəfəri (3,2 faizi) 0-17 yaşda, 6387 nəfəri (10,5 faizi) 18-49 yaşda, 15815 nəfəri (26,0 faizi) 50-64 yaşda, 36683 nəfəri (60,3 faizi) isə 65 və yuxarı yaşda olub.