Bakı. Trend:
Tanınmış tədqiqatçı alim, professor Ramiz Əskər 70 yaşında dünyasını dəyişib.
Trend xəbər verir ki, bu barədə onun yaxınları sosial şəbəkədə məlumat yayıblar.
Məlumata görə, bir neçə gün öncə Mərkəzi Klinik Xəstəxanada açıq ürək əməliyyatı keçirən Ramiz Əskər bu gün səhər saatlarında vəfat edib.
Qeyd edək ki, Ramiz Baxşəli oğlu Əskərov 2-ci dərəcəli “Vətənə xidmətə görə” ordeni ilə təltif edilib.
Sərəncama əsasən, o, ədəbiyyatşünaslıq və publisistika sahəsində səmərəli fəaliyyətinə görə təltif olunub.