Bakı. Trend:
Şəmkirdə baş verən yol-nəqliyyat hadisəsi zamanı xəsarət alan 3 nəfərin vəziyyəti məlum olub.
Trend-in sorğusuna cavab olaraq TƏBİB-dən bildirilib ki, 21.10.2024-cü tarixində saat 22:05-də yol-nəqliyyat hadisəsi səbəbilə Şəmkir Rayon Mərkəzi Xəstəxanasının Təcili yardım bölməsinə 3 nəfər (2-si qadın cinsli, 1-i kişi cinsli olmaqla) hospitalizasiya edilib.
Məlumata görə, onlardan 1949-cu il təvəllüdlü şəxs (qadın cinsi) sol əlin arxa səthinin cırılmış yarası, döş qəfəsinin küt travması, qabırğaların çox saylı yerdəyişmiş sınığı, pnevmatoks diaqnozu ilə xəstəxananın Cərrahiyyə şöbəsinə yerləşdirilib.
Digər 2 nəfər isə ilkin tibbi yardım göstərildikdən sonra ambulator müalicə üçün evə buraxılıb.