Bakı. Trend:
Bakıda "Azərbaycanda Dəmiryol Texnologiyalarında İnnovasiyalar: Alman Şirkətləri üçün Tərəfdaşlıqlar və İmkanlar" mövzusunda İnformasiya tədbiri keçirilir.
Trend xəbər verir ki, tədbir Alman-Azərbaycan Xarici Ticarət Palatası (AHK Azərbaycan) tərəfindən 21-25 oktyabr 2024-cü il tarixlərində Azərbaycana təşkil olunan Almaniyanın iş adamlarından ibarət olan nümayəndə heyətinin işgüzar səfəri çərçivəsində keçirilir.
Qeyd olunur ki, səfər çərçivəsində alman şirkətləri Azərbaycanda dəmir yolu texnologiyaları bazarı və tətbiq olunan standartlar habelə potensial layihələr və imkanlar barədə real və hərtərəfli məlumat əldə edəcəklər.
Tədbir iştirakçıları dəmir yolu sənayesindən olan Azərbaycan şirkətləri və mütəxəssislər ilə birbaşa işgüzar əlaqələr qurmaq üçün geniş imkanlar əldə edərək yerli şirkətlərə alman təcrübəsi haqqında geniş məlumat mübadiləsi aparacaqlar.
Tədbirdə təmsil olunan alman şirkətləri: Elektro Thermit GmbH & Co KG, HÜBNER GmbH & Co. KG, KATHREIN Solutions GmbH, Schaltbau GmbH, Vagoteq GmbH, WAGNER Rail GmbH.
Xəbər yenilənəcək
