Bakı. Trend:
Qazaxıstanda “Pavlodar Open” şahmat festivalı başa çatıb.
Trend İdman.biz-ə istinadən xəbər verir ki, festival çərçivəsində keçirilən “Masters” turnirində azərbaycanlı şahmatçılar da iştirak edib.
Ən yaxşı nəticəni Misrəddin İskəndərov göstərib. O, 10 turda 6,5 xal toplayaraq 16-cı yerdə qərarlaşıb. Yalnız əlavə əmsallara görə İskəndərov ilk “onluq”dan kənar qalıb.
Turniri 40-cı yerdə başa vuran Vüqar Rəsulov ondan 1,5 xal geri qalıb.
Festivalda 19 ölkədən ümumilikdə 95 şahmatçı mübarizə aparıb.