Bakı. Trend:
Mayın 31-dən etibarən Bakı-Qəbələ-Bakı marşrutu üzrə qatarlar həftənin həm şənbə, həm də bazar günləri hər iki istiqamətdə fəaliyyət göstərəcək.
Trend xəbər verir ki, bu barədə “Azərbaycan Dəmir Yolları” QSC-nin (ADY) sosial şəbəkə hesabında paylaşım edilib.
“Belə ki, qatarlarımız saat 07:30-da Bakı Dəmiryol Vağzalından Qəbələyə, saat 19:00-da Qəbələdən Bakıya hərəkət edəcək.
Qəbələdə əsrarəngiz təbiətlə görüş üçün www.ady.az saytı, “ADY Mobile” tətbiqi və ya kassalardan bilet almağa tələsin”, - məlumatda qeyd edilib.