Bakı. Trend:
Cinsi zorakılığın qurbanı olan uşağa aid istintaq materiallarının yayılmasının qarşısı alınacaq.
Trend-in məlumatına görə, bu məsələ Milli Məclisin Ailə, qadın və uşaq məsələləri komitəsinin bugünkü iclasında müzakirə olunan Cinayət-Prosessual Məcəlləsində dəyişiklik edilməsi barədə qanun layihəsində öz əksini tapıb.
Qanun layihəsinə əsasən, cinayət prosesini həyata keçirən orqanlar tərəfindən cinsi istismarın və ya cinsi zorakılığın qurbanı olan uşağa aid istintaq materiallarının (o cümlədən ekspertiza rəyi, videogörüntü, fotoşəkil) yayılmaması təmin ediləcək.