Bakı. Trend:
İsrail ordusu (ÇAXAL) İrandakı raket bölmələrindən birinin komandirinin məhv edildiyini açıqlayıb.
Trend-in məlumatına görə, bu barədə İsrail ordusunun mətbuat xidməti bildirib.
Məlumata əsasən, Məkram Atimi İsrail Hərbi Hava Qüvvələrinin İranın qərbindəki Kermanşah şəhəri yaxınlığında dəqiq zərbəsi nəticəsində öldürülüb.
Bildirilib ki, o, "İranın qərbindəki mərkəzi raket bölməsinə" komandanlıq edib və "İsrail dövlətinə doğru onlarla ballistik raket atışı"na rəhbərlik edib.