Oktyabrın 24-də "melanj" tipli raket yanacağının saxlandığı iki köhnəlmiş ambarı müasirləşdirmək üçün texniki və maliyyə dəstəyi aparılması məqsədilə ATƏT-in ekspertlər qrupu Bakıya gələcək.Bu barədə Trend ə ATƏT-in Bakıdakı nümayəndəliyinin mətbuat xidmətində bildirilib.
Ekspertlər ambarların gələcəkdə yenidən qurulması imkanlarını müəyyən etmək, eləcə də layihənin mühüm texniki və maliyyə parametrlərini aşkar etmək niyyətindədir.
"Melanj" ətraf mühit üçün ciddi təhlükə yaradan qeyri-sabit və toksiki yanacaq elementidir"-deyə nümayəndəlikdə bildirilib.Həmçinin qeyd olunub ki, səfər çərçivsəində ekspertlər ambarlarda saxlanılan kimyəvi komponentlərin siyahısını tətrib edəcək, binalara baxış keçirəcək, torpağın və suyun ilkin təhlilini hazırlayacaq.Alınan məlumatlar və ekspertlərin tövsiyələri ATƏT-in katibliyi və Bakı nümayəndəliyinin sıx əməkdaşlığı ilə gerçəkləşdirilən həmin layihənin maliyyələşdirilməsi məqsədilə təşkilatın büdcəsinə dəyişikliklərə baxıldıqda nəzərə alınacaq. Həmçinin qeyd olunur ki, HATO da ayrıca bir layihə hazırlayır və həmin layihə çərçivəsində yaxın gələcəkdə hər iki ambarın tamamilə ləğv edilməsi nəzərdə tutulur.
Ekspert qrupunun səfəri oktyabrın 28-də başa çatacaq.
