Azərbaycan Respublikası Ədliyyə Nazirliyi Məhkəmə Qərarlarının İcrası Baş İdarəsinin (MQİBİ) İntendant, Təchizat və Ticarət Bazasının sabiq müdiri, hazırda həbsdə olan Cavanşir Cabbarovun barəsindəki həbs müddəti növbəti dəfə 3 ay müddətinə uzadılıb. Bu barədə Trend ə Baş Prokurorluğun mətbuat xidmətinin əməkdaşı Əntiqə Qonaqova məlumat verib.
"C.Cabbarov külli miqdarda dövlət vəsaitini mənimsəməkdə təqsirləndirilir. Onun həbs müddətinin uzadılması əlavə istintaq hərəkətlərinin aparılması, o cümlədən, bu yaxınlarda həbs olunmuş keçmiş MQİBİ işçiləri ilə üzləşmələr aparılması ilə əlaqədardır" - deyə Ə.Qonaqova bildirib.
Qeyd edək ki, Cavanşir Cabbarovun fəaliyyəti araşdırıldıqdan sonra o, 2005-ci ilin ilk aylarında həbs olunub.