Ağır Cinayətlərə Dair İşlər üzrə Məhkəmə həbsdə olan "Azadlıq" qəzetinin yazarı Mirzə Sakitin işi üzrə məhkəmə iclasını sentyabrın 12-dək təxirə salıb. Trend xəbər verir ki, adıçəkilən məhkəmədə sentybarın 5-də keçirilən prosesdə hakim Azər Orucov bildirib ki, məhkəmə iclasının təxirə salınmasına səbəb dövlət ittihamçısının iclasda iştirak etməməsidir.
Onu da bildirək ki, sentyabrın 5-ə təyin olunan məhkəmə prosesini izləmək üçün "Azadlıq" siyasi blokunun liderləri, ABŞ, Böyük Britaniya və Almaniyanın Azərbaycandakı səfirliklərinin nümayəndələri məhkəməyə gəlmişdilər.
Qeydə edək ki, M.Sakit iyunun 23-də narkotik maddənin satışı ittihamı ilə həbs edilib.