Sentyabrın 25-də Qobustan Qapalı Həbsxanasında baş vermiş ölüm faktı ilə əlaqədar Qaradağ rayon Prokurorluğunda cinayət işi başlanıb. Bu barədə Trend ə Qaradağ rayon prokuroru Tariyel Məmmədov məlumat verib.
2004-cü ildə ömürlük həbsə məhkum edilmiş Yuri Səfərəliyevin meyiti saxlanıldığı 5-ci korpusda asılmış vəziyyətdə aşkar edilib. Qaradağ rayon Prokurorluğunun əməkdaşları dərhal hadisə yerinə gəliblər. Hadisə yerinin müayinəsindən sonra mərhumun cəsədi ekspertizaya göndərilib. Faktla əlaqədar Azərbaycan Respublikası Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanıb.
Ölümün səbəbləri ekspertizanın rəyi prokurorluğa daxil olandan sonra məlum olacaq.