Azərbaycanın Ədliyyə Nazirliyi 17 xarici dövlətin müvafiq qurumu ilə hüquq sahəsində əməkdaşlıq edir. Bu barədə Trend ə Ədliyyə Nazirliyinin Beynəlxalq Əməkdaşlıq İdarəsindən məlumat verilib.
İlk saziş 1997-c ilin iyun ayında Qazaxıstanın Ədliyyə Nazirliyi ilə imzalanıb. Azərbaycan ƏN-nin həmin ölkənin ƏN-si ilə Əməkdaşlıq Haqqında Sazişi mövcuddur.
Sonrakı illərdə isə Özbəkistanın, Qırğızıstanın, Belarusun, Gürcüstanın, Litvanın, Rusiyanın, Ukraynanın, Fransanın, Rumıniyanın, Moldovanın, Türkiyənin, Niderland Krallığının, Avstriyanın, İranın, İtaliyanın ƏN-ləri ilə əməkdaşlıq haqqında sazişlər imzalanıb. Hazırda Azərbaycanın Ədliyyə Nazirliyi bu ölkələrin müvafiq qurumları ilə yüksək səviyyədə hüquqi sahədə əməkdaşlıq edir.
Sonuncu anoloji saziş isə 2005-ci ilin mart ayında Pekində Çin Xalq Respublikasının Ədliyyə Nazirliyi ilə imzalanıb.
Yaxın gələcəkdə daha bir neçə dövlətin müvafiq qurumu ilə hüquqi sahədə əməkdaşlıqla bağlı sazişlərin imzalanması nəzərdə tutulur.