...

Jurnalistlərin mənzil problemlərinin həllinə dövlət yardımı göstərilməsi ilə bağlı prezident İlham Əliyevə məktub göndərilib

Cəmiyyət Materials 18 Yanvar 2007 14:54 (UTC +04:00)

Azərbaycan jurnalistlərinin mənzillə təmin olunması üçün dövlət yardımının göstərilməsi ilə bağlı bu gün - yanvarın 18-də prezident İlham Əliyevə məktub göndərilib. Bu barədə Trend ə Azərbaycan Mətbuat Şurasının sədri Əflatun Amaşov məlumat verib.

Azərbaycan Mətbuat Şurasının adından göndərilən müraciətdə bildirilir ki, ölkəmizin iqtisadi cəhətdən inkişaf tempi KİV-lərin də həyat tərzinin yaxşılaşması, problemlərinin həlli üçün imkanlar yaradır. Qeyd olunub ki, mediamızın indiki durumunda onların sosial problemlərinin həlli, xüsusilə mənzil problemlərinin dövlət qayğısı olmadan həlli mümkün deyil: "Ölkənin 40-dan çox mətbu orqanında çalışan 60 əməkdaşı bir araya gələrək juranlistlər üçün mənzil-tikinti koorporativi yaradıblar. Koorporativin təsisçiləri əsasən kirayədə qalan, 10 ildən çox mətbuatda çalışan və mənzil almaq imkanı xeyli məhdud olan KİV təmsilçiləridir. Təəssüf ki, onlar öz hesablarına yaşayış binası inşa etmək təşəbbüslərini indiyədək reallaşdıra bilməyiblər. Belə ki, Bakı şəhər ərazisində kooperativ üçün torpaq sahəsi ayrılması ilə bağlı müvafiq dövlət orqanlarına müraciətlər nəticəsiz qalıb. Ölkə jurnalistlərinin 4-cü qurultayının iştirakçıları bu məsələ ilə bağlı Sizə müraciət olunması qərarına gəliblər. Ümid edirik ki, Sizin köməkliyiniz nəticəsində KİV nümayəndələri bu təşəbbüsü gerçəkləşdirmək üçün real imkanlar əldə edəcəklər"-deyə dövlət başçısına ünvanlanan məktubda vurğulanır.

Xəbər lenti

Xəbər lenti