Azərbaycan, Bakı/ Trend müxbir E.Hüseynli/ Aprelin birinci ongünlüyündə Türkiyənin Radio Televiziya Üst Qurumunun başçısı Vahid Akmanın rəhbərlik etdiyi nümayəndə heyəti Azərbaycana gələcək. Bu barədə Azərbaycan Milli Televiziya və Radio Şurasından (MTRŞ) məlumat verilib.
Səfər çərçivəsində iki qurum arasında əməkdaşlığa dair sazişin imzalanması nəzərdə tutulur. Sazişin detalları MTRŞ sədri Nuşirəvan Məhərrəmli ötən ilin sonlarında Türkiyədə səfərdə olarkən razılaşdırılıb. Sazişdə informasiya, təcrübə mübadiləsi və digər məsələlər əksini tapacaq.
