Azərbaycan, Bakı / Trend müxbir K. Zərbalıyeva/ Millət vəkili Cəlal Əliyevin "Müxalifət" qəzetinin baş redaktoru Rövşən Kəbirliyə və qəzetin əməkdaşı Yaşar Ağazadəyə qarşı xüsusi ittiham qaydasında şikayəti üzrə bu gün Yasamal rayon məhkəməsində hakim Məlahət Abdulmanafovanın sədrliyi ilə hazırlıq iclası keçirilib. Bu barədə bazar ertəsi Kəbirli Trend ə bildirib ki, iş üzrə məhkəmə baxışı aprelin 9-a təyin olunub.
Qəzetin 24 fevral və 3 mart tarixli saylarında dərc olunmuş "A.M.A.Y-əliyevlər ailəsinin ticarət nişanı" adlı məqalə ilə şərəf və ləyaqətinin təhqir olunduğunu iddia edən millət vəkili baş redaktorun və məqalə müəllifinin Cinayət Məcəlləsinin 147.1 və 147.2-ci (böhtan) maddəsi ilə cinayət işinin açılmasını istəyib.