Azərbaycan,Bakı/müxbir Trend /Azərbaycanın Tələbə Qəbulu üzrə Dövlət Komissiyasının rəhbəri Məleykə Abbaszadə ali məktəblərə qəbul imtahanlarında fiziki çatışmazlıqları olan abituriyentlərə müəyyən güzəştlərin təqdim olunmasını qeyri-real hesab edir. Bilik müsabiqəsində hamı bərabərdir və müəyyən kateqoriyalı abituriyentlərə güzəştlərin təqdim olunması düzgün olmazdı. Bu barədə çərşənbə günü Abbaszadə mətbuat konfransında bəyan edib. Onun sözlərinə görə, dövlət artıq qaçqın və məcburi köçkün abituriyentlərə ali məktəblərin ödənişli şöbələrində təhsil haqqından azad etməklə bir sıra güzəştlər təqdim edib. Komissiya rəhbəri hesab edir ki, qəbul imtahanlarında bir qrup abituriyentlərin tələb etdiyi kimi əlillər tərəfindən toplanmış bal səviyyəsinin azaldılması düzgün ola bilməz.