...

Bakıda tikilən hündürmərtəbəli binada baş vermiş hadisə zamanı xəsarət alanlarla bağlı ekspertiza rəy verib

Cəmiyyət Materials 14 May 2007 12:59 (UTC +04:00)

Azərbaycan, Bakı / Trend müxbir K Zərbalıyeva / Bakının mərkəzində hündürmərtəbəli binada baş vermiş beton uçması zamanı xəsarət almış şəxslərlə bağlı məhkəmə-tibb ekspertizası rəy verib. Səbayıl rayon prokurorunun müavini Elçin Sultanov bazar ertəsi Trend ə bildirib ki, ekspertiza xəsarət alan şəxslərin xəsarətlərinin dərəcəsini müəyyən edib. Həmin şəxslərin yüngül xəsarət aldığı müəyyənləşib. Xəsarətlər yüngül olduğundan cavabdeh şəxslər cinayət məsuliyyətinə cəlb olunmayacaq. İstintaq hələlik bu barədə yekun qərar qəbul etməyib. Hadisə zamanı əmlaklarına ziyan dəymiş vətəndaşlara kompensasiya ödənilib.

Martın 15-də baş vermiş hadisə ilə bağlı Səbayıl Rayon Prokurorluğunda Cinayət Məcəlləsinin 162.1-ci (əmək mühafizəsi qaydalarını pozma) maddəsi ilə cinayət işi açılıb. Hadisə zamanı 7 nəfər xəsarət alıb. Onlardan 3-ü həmin binada işləyən fəhlə, 4-ü isə yoldan keçən şəxslər olub. Hadisə zamanı 7 avtomobilə ziyan dəyib.

Fikrət Əmirov küçəsində qəza baş vermiş binanın tikintisi "Libra" MMC tərəfindən aparılır. Hadisədən sonra binanın tikintisi müvəqqəti dayandırılıb.

Xəbər lenti

Xəbər lenti