Azərbaycan, Bakı / Trend , müxbir İ.Əlizadə/ BMT-nin söz azadlığının müdafiəsi üzrə xüsusi nümayəndəsi Ambeyi Liqabonun Azərbaycan üzrə hesabatı BMT İnsan Haqları Şurasına iyun ayında təqdim olunacaq. Bu barədə BMT-nin Azərbaycandakı nümayəndəsi Rino Puezad məlumat verib. Diplomat qeyd edib ki, Ambeyi Liqabonun məruzəsi onun Azərbaycana səfərindən sonra hazırlanıb.
"Sənəd İnsan Haqları Şurasına təqdim edildikdən sonra hərtərəfli müzakirə olunacaq" - deyə Puezad əlavə edib.
Ambeyi Liqabo aprel ayında İslam Konfransı Təşkilatının təşəbbüsü ilə Bakıda keçirilən beynəlxalq konfrans çərçivəsində Azərbaycanda səfərdə olub. BMT nümayəndəsi burada bir sıra görüşlər keçirib, mətbuatın vəziyyətini müzakirə edib.
