Azərbaycan,Bakı, 8 iyun /müx. "TrendLife" Eldar Hüseynzadə/ Akif Süleymanbəyli caz festivalın ən sevincli qonaqlarından biri idi. O, hamı ilə salamlaşır, görüşür, gülürdü. Həmçinin açılış mərasimində də çıxış etdi. Çıxışdan öncə o, "TrendLife"a bunları bildirdi: "Mən çox sevinirəm. Bu gün mənim əhvalım əladır. İyirmi ildir ki, caz dəbdən düşüb. Nəinki Bakıda, həmçinin bütün dünyada belədir. Pop cazı məhv edib. Mən çox xöşbəxtəm ki, Nuru Əhmədov kimi insanlar bizim ən yaxşılarımızı qaytarırlar. Təəssüf ki, indi qiymətlər çox dəyişikdir. Ən ucuz bir şey hazırda çox baha qiymətləndirilir. Bir də məni bir şey sevindirir ki, gənclərimiz həqiqətən professional cazla məşğul olurlar".