Azərbaycan, Quba / Trend müxbir A.Qafarov/ Ötən ilin müvafiq dövrü ilə müqayisədə Qubaya gələn yerli və xarici turistlərin sayı 20% artıb. Bu barədə bazar ertəsi Mədəniyyət və Turizm Nazirliyinin Quba rayon mədəniyyət və turizm şöbəsinin müdiri Elxan Məhərrəmov məlumat verib. Onun sözlərinə görə, turistlər əsasən dörd, Quba-Xınalıq, Quba-Xaldan, Quba-Təngialtı və Quba-Uzunmeşə istiqamətindən istifadə edir. Məhərrəmov bildirib ki, turistlər üçün problem əsasən yolların bərbad vəziyyətdə olmasıdır. Quba-Xınalıq yolu əsaslı təmir edilsə də, digər istiqamətlərdəki yollar yararsız vəziyyətdədir. Məhərrəmov həmçinin turistlərin daha çox maraqlandığı tarixi abidələrin təmirinə də ehtiyac olduğunu deyib.
Quba paytaxt Bakıdan 170 kilometr şimalda yerləşir.