Azərbaycan, Şəki / Trend müxbir E.Quliyev/ Qəbələ Radiolokasiya Stansiyasının fəaliyyətinə etiraz edən bir qrup rayon sakini aksiya keçirib.
Trend in bölgə müxbirinin sözlərinə görə, stansiya ətrafında yerləşən kəndlərin sakinləri bildiriblər ki, şüalanma nəticəsində uşaqlar şikəst doğulur. Ətraf mühit sağlamlığa mənfi təsir göstərir, ağaclar quruyur. Sakinlərin sözlərinə görə, şüalanmanın təsiri həftənin çərşənbə axşamı və cümə günləri daha güclü olur. Çünki bu günlərdə RLS tam gücü ilə işləyir.
Qəbələ rayon Mərkəzi Xəstəxanasının baş həkimi Sabir Bayramov çərşənbə axşamı bildirib ki, Qəbələdə RLS-in təsir dairəsinə düşən 15 kənd var.
