Azərbaycan, Bakı /müx. Trend Z.Səfərov/ Braziliya prezidenti Luis İnasio Lula da Silva bəyan edib ki, Rio-de-Janeyronun Olimpiada - 2016-nın oyunlarını qəbul etmək istəyini dəstəkləyəcək. Qeyd edək ki, bu oyunları qəbul etməyə Bakı da iddialıdır.
Trend in İsveçrənin "PA sport" agentliyinə istinadən yaydığı xəbərə əsasən, bu şəhərdə bu yaxınlarda Panamerika oyunları keçirilib və indi Rio-de-Janeyro dördilliyin əsas yarışını əqbul etmək istəyir. Formal olaraq namizəd şəhər sentyabrda müraciət edəcək. Braziliyanın prezident digər dövlətləri inandırmaq istəyir ki, ən doğru seçim məhz Rio-de-Janeyrodur. "Mən bütün ölkələrin nümayəndələri ilə olimpiya oyunları barədə bərabər imkanlar baxımından danışmaq istəyirəm. Çünki bəziləri artıq indidən düşünürlər ki, onlar daha yaxşıdırlar" - deyə o vurğulayıb.
Qeyd edək ki, Rio-de-Janeyro bu mübarizədə Madrid, Çikaqo, Praqa, Doha və Tokio kimi şəhərlərlə rəqabət aparmalı olacaq .
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
