Azərbaycan, Bakı, 13 may /Trend/
Almaniyada mayın 12-də Azərbaycanın peşəkar boksçusu Fariz Məmmədov erməni idmançı Geqise Tolmaszyanla qarşılaşıb.
Trend-in məlumatına görə, boksçumuz 4-cü raundda rəqibini nokaut vəziyyətinə salaraq qələbə qazanıb.
Döyüş boksçumuz üçün çox ağır keçib. 2 raundda rəqib Məmmədovu nokdaun vəziyyətinə sala bilib. Amma idmançımız 4-cü raundda rəqibini nokaut vəziyyətinə salıb.
"Mən idmançı kimi yox, azərbaycanlı kimi bu qələbəni qazandım", - Fariz Məmmədov deyib.
Azərbaycanın ilk peşəkar boksçusu Fariz Məmmədov yeddi il həbsxana həyatı yaşadıqdan sonra yenidən peşəkar idmana qayıdıb. Bu günlərdə isə Məmmədov Almaniyanın boks şirkətlərinin biri ilə müqavilə imzalayıb.