Azərbaycan, Bakı, 1 noyabr /Trend/
17 yaşadək qızlardan ibarət Azərbaycan yığması Avropa çempionatının ilkin seçmə mərhələsində bu gün İsveç komandası ilə qarşılaşıb.
Trend-in məlumatına görə, qarşılaşma 7:1 hesabı ilə İsveç yığmasının xeyrinə başa çatıb.
Yığmamızın heyətində Melis Sarıaltın fərqlənib.
Azərbaycan yığması ilkin seçmə mərhələdə son oyununu noyabrın 3-də, Bakı vaxtı ilə saat 18:00-da Xorvatiya komandasına qarşı keçirəcək.
Qeyd edək ki, komandamız ilk görüşündə Avstriya yığmasına 1:4 hesabı ilə məğlub olmuşdu.