Gürcüstan, Tbilisi, 5 iyun /Trend, müxbir N.Kirsxaliya/
Gürcüstan Futbol Federasiyasında federasiya rəhbərliyi ilə yüksək və birinci liqalarda çıxış edən klubların rəhbərliyi arasında görüş keçirilib. GFF-ni federasiya prezidenti Zviad Siçinava, Revaz Arveladze və Murtaz Xurtsilava təmsil ediblər.
Trend-in məlumatına görə, iclas zamanı 8 klub hər birinə 2 milyon lari vəsait ayrılmayacağı təqdirdə, Gürcüstan çempionatında iştirak etməyəcəyini bəyan edib. Qeyd edək ki, Qori şəhərinin "Dila" komandası dövlətdən bu məbləğdə maliyyə vəsaiti alıb.
Boykot elan edən klublar: "Dinamo" Tbilisi, "Zestafoni", "VİT Corciya", "Metallurq", "Sioni", "Zuqdidi", "Merani" və "Torpedo".
GFF nümayəndələri bildiriblər ki, əgər 8 komanda iştirakdan imtina edərsə, o zaman çempionat baş tutmayacaq.
Qeyd edək ki, hazırda Gürcüstan çempionatında 12 komanda çıxış edir.