Azərbaycan, Bakı, 8 yanvar /Trend/
2022-ci il futbol üzrə dünya çempionatı Qətərdə qışda keçiriləcək. Trend-in xarici KİV-ə istinadən verdiyi məlumata görə, bunu FIFA-nın baş katibi Jerom Valke bəyan edib.
Ənənəvi olaraq, dünya çempionatları yayda keçirilir. Ərəbistan yarımadasının şərqində yerləşən Qətərdə iyun-iyul aylarında orta temperatur müsbət 38 dərəcə isti təşkil edir.
J.Valke bildirib ki, 2022-ci il dünya çempionatı iyun-iyul aylarında keçirilməyəcək: "Hesab edirəm ki, mundial 15 noyabrla ən geci 15 yanvar tarixləri arasında keçiriləcək".
O, əlavə edib ki, noyabrın ortaları - dekabrın sonu hava nisbətən daha əlverişli olacaq: "Temperatur Avropada ilin isti dövrlərinə uyğun olacaq - orta hesabla 25 dərəcə. Beləliklə, futbol üçün ideal hava şəraiti olacaq".