Azərbaycan, Bakı, 15 yanvar /Trend/
Voleybol üzrə qadınlar arasında CEV kubokunda mübarizə aparan komandalarımızdan biri bu gün meydana çıxıb.
Trend-in məlumatına görə, "Lokomotiv" 1/4 final çərçivəsində Polşada "Bank Fakro"nun qonağı olub.
Qarşılaşmanın gərgin keçəcəyi gözlənilsə də, təmsilçimiz asan təslim olub.
Səfərdə baş tutmuş ilk görüşdən xalsız və setsiz dönən "dəmiryolçular" cavab qarşılaşmasında qalib gəlib mübarizəni qızıl setə daşımalıdırlar.
Qeyd edək ki, cütün ikinci oyunu gələn həftə Bakıda keçiriləcək.