Azərbaycan, Bakı, 26 aprel /Trend/
İspaniyanın "Barselona" futbol klubunun sabiq baş məşqçisi Tito Vilanovanın vəfatı ilə əlaqədar bu gün Sərhədçi İdman Olimpiya Mərkəzində Rusiyanın "Dinamo" və İspaniyanın "Barselona" klubu arasında keçiriləcək futzal üzrə UEFA kubokunun final oyunundan əvvəl 1 dəqiqəlik sükut elan olunacaq.
Bu barədə Trend AFFA-nın rəsmi saytına istinadən məlumat verir.
Qeyd edək ki, xərçəng xəstəliyindən əziyyət çəkən T.Vilanova ötən gün 45 yaşında dünyasını dəyişib.