...

Erməni zabitini məğlub edən idmançımız: "Çox sevincliyəm" (FOTO)

İdman Materials 4 Avqust 2015 13:17 (UTC +04:00)
Bir neçə gün bundan əvvəl Gürcüstanda “Kung-fu sanda” üzrə keçirilən yarışlarda birinci yer qazanan idmançımızı Nəqliyyat Nazirliyi “Azəryolservis” ASC-nin rəhbərliyi qəbul edib.
Erməni zabitini məğlub edən idmançımız: "Çox sevincliyəm" (FOTO)

Trend-i buradan izləyin

Azərbaycan, Bakı, 4 avqust /Trend/

Bir neçə gün bundan əvvəl Gürcüstanda "Kung-fu sanda" üzrə keçirilən yarışlarda birinci yer qazanan idmançımızı Nəqliyyat Nazirliyi "Azəryolservis" ASC-nin rəhbərliyi qəbul edib.

ASC-nin mətbuat xidmətindən Trend-ə verilən məlumata görə, Cəmiyyətin sədr vəzifəsini müvəqqəti icra edən Saleh Məmmədov yarışlarda 80 kiloqram çəki dərəcəsində Azərbaycanı təmsil edən Babək Əliyevi qazandığı qələbə münasibətilə ürəkdən təbrik edərək, ona gələcək idmançı karyerasında yeni-yeni uğurlar arzu edib. İdmana, idmançılara dəstəyin hər zaman dövlət siyasətinin əsas istiqamətlərindən biri olduğunu vurğulayan S.Məmmədov gənc idmançımıza xatirə hədiyyəsi təqdim edib.

Birinci yeri əldə edən idmançımız B.Əliyev isə öz növbəsində ona göstərilən etimada görə öz təşəkkürünü bildirib və qələbəsini doğma Vətəni Azərbaycan adına aldığına görə çox sevincli olduğunu bildirib.

Xatırladaq ki, 25-26 iyul tarixlərində Gürcüstanın Batumi şəhərində keçirilən "Kung-fu sanda" üzrə Qara dəniz kuboku maraqlı anlara səhnə olub. Belə ki, 80 kq-da Azərbaycanı təmsil edən B.Əliyev iranlı və gürcü rəqiblərini məğlub edərək finala yüksələ bilib. Finalda Babək erməni ordusunun zabiti Razmik Hopsepyanla qarşılaşıb. Görüşdə erməni rəqibinə aman verməyən Babək tək ayaq zərbəsi ilə rəqibini nokauta salaraq birinci yeri əldə edib.

Onu da əlavə edə ki, B.Əliyev "Yol xətt" MMC-nin hüquqşünası vəzifəsində çalışır.

Məqalədə:
Xəbər lenti

Xəbər lenti