Bakı. Trend:
Bu gün 21 yaşadək futbolçular arasında "Avro-2017"nin seçmə mərhələsinin növbəti oyunları keçirilib.
Trend-in məlumatına görə, qrupda 8-ci matçına çıxan Azərbaycan millisi səfərdə Rusiyanın qonağı olub. Qarşılaşma 2:2 hesabı ilə başa çatıb.
Qeyd edək ki, bu komandalar arasında Bakıdakı görüşdə millimiz rəqibinə 3:0 hesabı ilə qalib gəlmişdi.
Əlavə edək ki, millimizin qrupunda bu gün keçiriləcək digər oyunda Almaniya evdə Farer adalarını qəbul edəcək.
Qollar: Mahir Mədətov, 47 (0:1), İlya Zuyev, 51 (1:1), Dmitri Barinov, 56 (2:1), Rahil Məmmədov, 58 (2:2)