Bakı. Trend:
"CBC Sport Arena Polo Dünya Kuboku" yarışına start verilib.
Trend-in məlumatına görə, Binə qəsəbəsindəki “Elite Horse & Polo Club”da keçirilən “CBC Sport Arena Polo Dünya Kuboku”yarışına start verilib.
Turnirin açılış oyununda Azərbaycanı təmsil edən “Gilan Holding” komandası – Argentinanın “Italdizain Group” kollektivi ilə qarşılaşıb. Oyun təmsilçilərimizin 9 - 7,5 hesablı qələbəsi ilə başa çatıb.
Günün digər görüşündə isə meydana İsveçrənin “Badrutt's Palace” və İspaniyanın “Bogner” komandaları çıxıblar. Bu qarşılaşmada İspaniya komandası 11-9 hesabı ilə qələbə qazanıb.
Bu gün “CBC Sport” Arena Polo Dünya Kuboku yarışında daha 2 oyun keçiriləcək.
Əvvəlcə meydana “Badrutt's Palace” və “Italdizain Group” komandaları çıxacaqlar. Görüş saat 18:00 –da başlayacaq. Saat 19:15 –də isə “Gilan Holdinq” poloçuları “Bogner” kollektivi ilə üz üzə gələcəklər.
