Bakı. Maksim Tsurkov - Trend:
Bakıda keçirilən IV İslam Həmrəyliyi Oyunlarında Azərbaycanın Murad Ağarzayev, Bense Talas və Timur Bayramovdan ibarət idman gimnastikası yığması birinci günün yekunu üzrə komanda hesabında ikinci yerdə gedir.
Trend-in məlumatına görə, iki hərəkətlərin yekunu üzrə komandamız 80.850 bal toplayıb. Birinci yerdə Türkiyə (82.500 bal), üçüncü yerdə isə İran yığması (75.800) gedir.
Komanda yarışlarında medal dəsti sabah 6 hərəkətin yekunundan sonra sahiblərini tapacaq.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.