Bakı. Yelena Kosolapova - Trend:
Türkiyə Bakıdakı IV İslam Həmrəyliyi Oyunlarına kişi idman gimnastikası üzrə çox güclü komanda gətirib.
Bunu Trend-ə əlcəzairli gimnast Əhməd Ənis Mauc deyib.
O qeyd edib ki, yarışlarda əsas rəqib Türkiyəni hesab edir.
Azərbaycanlı gimnastlar haqqında danışan Ə.Ə.Mauc bildirib ki, onları şəxsən tanımasa da, çıxışlarını televizorla izləyib. O qeyd edib ki, idmançıların səviyyəsi kifayət qədər yüksəkdir.
Gimnastın sözlərinə görə, o, İslam oyunlarında ilk dəfə çıxış edir və bu yarış onun üçün çox vacibdir.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.