Bakı. Ənvər Məmmədov - Trend:
Azərbaycan üzgüçüsü Maksim Şemberyov Bakı-2017 IV İslam Həmrəyliyi Oyunlarında qızıl medal qazanıb.
Trend-in məlumatına görə, təmsilçimiz 1500 m məsafəyə sərbəst üsulla üzmədə bütün rəqiblərini geridə qoyub.
Onun finaldakı vaxtı 15:07,29 olub.
Gümüş medal indoneziyalı Aflah Pravira, bürünc medal isə türk üzgüçü Ediz İldırımeruya qismət olub.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.