Bakı. Tural Turan - Trend:
Superkubok uğrunda matçda Premyer-Liqanın qalibi “Mançester Siti” və İngiltərə Kubokunun sahibi “Çelsi” üz-üzə gəlib.
Trend-in məlumatına görə, oyun “Uembli” stadionunda keçirilib. “Mançester Siti”nin hücumçusu Kun Aquero rəqibin qapısına 13-cü və 58-ci dəqiqələrdə qol vurub. Oyun 2:0 hesabı ilə başa çatıb.
Xatırladaq ki, Mançester Siti tarixi ərzində beşinci dəfə Superkubokun qalibi olur. Daha əvvəl klub 1937, 1968, 1972 və 2012-ci illərdə Superkuboka sahib çıxıb.