Polo üzrə Azərbaycan yığması İtaliyada keçiriləcək Avropa çempionatına yola düşür (FOTO)

Bakı. Trend:

20-30 sentyabr tarixlərində İtaliyanın Siyene şə­hərində Bey­nəlxalq Polo Federasiyası və İtaliyanın Atçılıq İdmanı Federasiyası tərə­fin­dən birgə təşkil edilən Avropa birinciliyində Avstriya, Almaniya, Fransa, Niderland, Slovakiya, İspaniya, İsveçrə, İrlan­diya, İtaliya və Azərbaycan yığma komandaları iştirak edəcəklər.

Dövlət Sərhəd Xidmətindən Trend-ə verilən məlumata görə, polo üzrə Azərbaycan yığma komandası ilk dəfə iştirakçısı olacağı Avropa çempionatına ha­zır­­­lıq üzrə təlim-məşq toplanışlarını yekunlaş­dır­ıb. Alma­niya­nın Müh­len şəhərində baş tutmuş təlim-məşq topla­nışla­rında milli yığma­mız peşəkar və təcrübəli klub komandaları ilə sparrinq qarşılaşmaları keçirib, idmançılarımız qitə birinciliyi ərəfəsində zəruri oyun təcrübəsi əldə ediblər. Hazırda Bakı şəhərində səfər öncəsi son məşqlərini keçir­məkdə olan milli komandamızın Avropa çempionatıında əsas hədəfi ən yüksək pillə uğ­runda mübarizə aparmaqdır.

Avqust ayının 25-də Dövlət Sərhəd Xidmətinin rəisi, Azərbaycan Respublikası Atçılıq Federasiya­sının Prezidenti general-polkovnik Elçin Quliyev Polo üzrə Azərbaycan yığma komandasının üzvləri ilə görüşüb.

Səmimi və çay süfrəsi arxasında keçən görüş za­manı yığma koman­danın Avropa birinciliyinə hazırlıq və­ziy­yəti müzakirə olunub. E.Quliyev Azərbaycan Prezidenti İlham Əliyevin göstərdiyi ali diqqət va qayğı nəti­cəsində atçılıq idman növlərinin son illər ərzində böyük inkişaf yolu keçməsini, xüsusən polo sahəsində önəmli nəticələrin əldə olunmasını xüsusi qeyd edib. 2015-ci ildə Bakı şəhərində keçi­rilmiş Arena Polo üzrə Avropa bi­rin­cili­yində Azərbaycan millisinin qələbəsinin Avropanın aparıcı polo komanda­larını yığmamıza hör­mətlə yanaşmağa və Azərbaycan idman­çıları ilə görüşlərə ciddi hazır­laş­ma­ğa məcbur etməsi vurğulanıb.

Azər­bay­can Respublikası Atçılıq Federasiyasının Baş Katibi Bəhruz Nəbiyev milli yığmanın üzvlərinin səfəri ilə əlaqədar təş­kilati məsələlər barədə məlumat verib. Milli yığmanın məşqçisi Namiq Orucov koman­danın qitə birinciliyinə hazırlıq vəziyyəti barədə məlumat vermiş və idman­çılar üçün yaradılmış məşq şəraitinə, Almaniyada təşkil olunmuş təlim-məşq toplanışlarına görə minnətdarlığını bildirib.

E.Quliyev yığma ko­mandanın səfəri ilə əlaqədar zəruri tapşırıq və tövsiyə­lərini verib, id­mançılara Avropa birinciliyi kimi mötəbər turnirdə Azər­baycan Res­pub­lika­sının üçrəngli dövlət bayrağını ucaltmaq şərəfini yaşa­mağı arzu edib.