Bakı. Cani Babayeva - Trend:
"EYOF Bakı 2019"da mühit çox gözəldir.
Bunu Trend-ə idman gimnastikası üzrə çoxnövçülük yarışlarının bürünc mükafatçısı rusiyalı gimnast Yana Vorona deyib.
İdmançı bildirib: "Bürünc medal qazandığım üçün kədərlənmədim. Əlbəttə, daha yaxşı çıxış edə bilərdim, amma üçüncü yeri qazanmağıma da şadam. Ola bilsin ki, həyəcanlanmağım çıxışıma təsir edib".
Rusiyalı gimnast Milli Gimnastika Arenasında çıxş etməyin onun üçün çox xoş olduğunu da vurğulayıb: "Bakının Milli Gimnastika Arenası çox böyük və gözəldir. Festivalda da əhval-ruhiyyə çox əladır. Ümid edirəm ki, yenə Bakıya yarışlara gələcəm",