Bakı. Trend:
Avropa Liqasında 2018-19 mövsümünün ən yaxşı futbolçusu müəyyənləşib.
Trend-in məlumatına görə, "Real"ın yeni transferi Eden Hazard bu ada layiq görülüb.
Belçikalı hücumçunun "Çelsi"dəki sabiq komanda yoldaşı Olivye Jiru ikinci olub. Hazırda indiki komanda yoldaşı - sabiq "Ayntraxt"lı Luka Yoviç isə üçüncü olub.
Xatırladaq ki, Hazard ötən mövsüm "Çelsi"nin heyətində Avropa Liqasının qalibi adını qazanıb.