Bakı. Trend:
İspaniyanın "Barselona" futbol klubunun argentinalı hücumçusu Lionel Messi İngiltərənin "Mançester Siti" klubuna keçmək istəyir.
Trend-in məlumatına görə, bundan əvvəl Messi Barselonadan ayrılmaq niyyətində olduğunu bildirmişdi. Klub bu məlumatı təsdiqləyib.
33 yaşlı Messi Barselonanın yetirməsidir və əsas komandada 2004-cü ildə debüt edib. Argentinalı peşəkar karyerasında 700-dən çox qol vurub. Messi "France Football" jurnalına görə altı dəfə ilin ən yaxşı futbolçusuna təqdim olunan "Qızıl top" mükafatına layiq görülüb.