Bakı. Trend:
İngiltərənin "Mançester Siti" futbol klubu İspaniyanın "Barselona"sının argentinalı hücumçusu Lionel Messi üçün 200 milyon avro ödəməyə hazırdır.
Trend-in TASS-a istinadən verdiyi məlumata görə, bu barədə jurnalist Tankred Palmer məlumat verib.
İngilis klubu rəsmi təklif hazırlayır. Daha əvvəl Messi "Barselona"dan ayrılmaq istədiyini bildirmişdi. Klub oyunçudan bu barədəd bildiriş aldığını təsdiqləyib.
33 yaşlı Messi "Barselona"nın yetirməsidir və əsas komandada 2004-cü ildə debüt edib. Argentinalı peşəkar karyerasında 700-dən çox qol vurub. Messi "France Football" jurnalına görə altı dəfə ilin ən yaxşı futbolçusuna təqdim olunan "Qızıl top" mükafatına layiq görülüb.