Bakı. Trend:
İngiltərənin "Arsenal" futbol klubu Avropa Liqasının 1/16 finalının cavab oyununda Portuqaliyanın "Benfika" komandasını məğlub edib.
Trend-in məlumatına görə, koronavirus infeksiyasının yayılmasına görə ölkələr arasında səyahət məhdudiyyətləri səbəbindən matç Yunanıstanın Pirey şəhərində keçirilib. Oyun 3:2 hesabı ilə başa çatıb.
Qaliblərin heyətində qolları Pyer-Emerik Obameyanq (21 və 87-ci dəqiqələr) və Kiran Tirni (67) vurdular. Portuqaliya klubunda Dioqu Qonsalveş (43-cü dəqiqə) və Rafa Silva (61) fərqləniblər.
Matçın nominal ev sahibi "Arsenal" olub.
Qeyd edək ki, Romada keçirilən birinci oyun 1:1 hesabı ilə başa çatıb.