Bakı. Trend:
"Barselona" futbol klubu İspaniya çempionatı oyununda "Real Madrid"i 4:0 hesabı ilə məğlub edib.
Trend-in məlumatına görə, görüş Madriddə keçirilib. Qonaqlar "Real Madrid"in qapısına dörd cavabsız qol göndəriblər.
"Barselona"nın hücumçusu Pyer-Erik Obameyanq dubl edib. Daha iki qolu Ronald Arauxo və Ferran Torres vurublar.
"Real"ın hücumçusu və La Liqanın bombardiri Karim Benzema oyunu buraxıb. Hücumçu İspaniya çempionatının əvvəlki turunda zədələnib.