Konya. Trend:
V İslam Həmrəyliyi Oyunlarında bədii gimnastika üzrə qrup hərəkətləri üzrə Azərbaycan komandası beş halqa ilə proqramda gümüş medal qazanıb.
Trend xəbər verir ki, komandanın üzvləri Darya Sorokina, Kamilla Əliyeva, Ləman Əlimuradova, Güllü Ağalarzadə, Yelizaveta Luzan, Zeynəb Hümmətovadır.
Qeyd edək ki, V İslam Həmrəyliyi Oyunları Türkiyənin Konya şəhərində keçirilir. Oyunlar avqustun 18-dək davam edəcək.
Ümumilikdə İslam Həmrəyliyi Oyunlarında İslam Əməkdaşlıq Təşkilatına üzv olan 56 ölkənin idmançıları iştirak edir.