Bakı. Trend:
"Komandamdan razıyam. Çətin rəqibə qarşı oynayırdıq. İlk hissədə üstünlük bizim tərəfimizdə olsa da, ikinci yarıda rəqib cüzi səhvlərimizdən istifadə etdi. Oyunlarımızla Azərbaycan futbolunu daha da tanıtmağa çalışırıq. Qeyd edim ki, futbol səhvlər üzərində qurulub. Rəqibi təbrik edirəm".
Trend xəbər verir ki, bu sözləri "Qarabağ"ın baş məşqçisi Qurban Qurbanov Çexiyada "Viktoriya" (Plzen) komandasına 1:2 hesabı ilə uduzduqları UEFA Çempionlar Liqasının pley-off mərhələsinin cavab oyunundan sonra "CBC Sport"a müsahibəsində bildirib.
O, qeyd edib ki, komandasının üzvləri məğlubiyyətə görə çox üzgündürlər: “Onlara dəstək olmağa çalışdım. İrəliyə baxmaq lazımdır. Futbolçularımla fəxr edirəm”.