Bakı. Trend:
Azərbaycanın Suya Tullanma idman növü yeni məşqçi təyin olunub. Bu barədə məlumatı Azərbaycan Üzgüçülük Federasiyasının mətbuat xidməti verib. Bildirildiyinə görə federasiya Suya tullanma üzrə idman ustası, Avropanın gümüş mükafatçısı Mayorov Mixail Dmitrieviçlə müqavilə imzalayıb. M Mayorov 1985-ci ildə Moskva əyalətində anadan olub. 6 yaşında suya tullanma idman növü ilə məşğul olan məşqçi yüksək nəticələr əldə edərək Ümumrusiya, Avropa, beynəlxalq çempionat və daxili çempionatların dəfələrlə qalibi və mükafatçısı olmuşdur. İdman karyerasını başa vurduqdan sonra gənclərə suya tullanma növünün sirrlərini öytərməyə başlayan peşəkar məşqçi Moskvada idmanin bu növünü fəal şəkildə inkişaf etdirib, Worldclass şəbəkəsinin ən yaxşı Moskva klubunda su proqramları şöbəsinin müdiri olub. O, bu heyrətamiz dərəcədə gözəl və mürəkkəb idman növünü "Ulduzlarla suya tullanma" kimi yüksək səviyyəli televiziya layihəsində populyarlaşdırdı. Hələlik 1 il müddətinə bağlanılan müqavilənin şərtlərinə görə peşəkar məşqçi Azərbaycanda bu idman növünün inkişaf etdirilməsinə və populyarlaşmasına köməklik etməlidir.
M.Mayorovun sözlərinə görə federasiya tərəfindən onun qarşısına
qoyulan əsas vəzifələr uşaqların və yeniyetmələrin suya tullanma
idman növü qruplarına cəlb edilmnəsi, Azərbaycanda bu növün
inkişafı və populyarlaşması, həmçinin beynəlxalq arenada
Azərbaycanı təmsil edə biləcək qaliblərin və medalçıların
yetişdirilməsidir:
“Azərbaycan bu gün gözəl və mürəkkəb idman növünün - suya
tullanmanın inkişafı üçün perspektivli ölkədir. Möhtəşəm isti iqlim
və lazımi dövlət dəstəyi bu gözəl ölkənin idmandan həzz almasını
təmin edir. Hal-hazırda suya tullanma Azərbaycanda yeni idman
növüdür, ona görə də insanlar bununla məşğul olmağın mümkünlüyünü
yeni öyrənirlər. Bununla belə, bu növün inkişafı üçün yaxşı idman
qurğuları mövcuddur. Müasir avadanlıqlar və yüksək səviyyəli
şəraiti olan Bakı Su İdman Mərkəzində məşq edən uşaqlar və gənc
idmançılar - üzgüçülük, su polosu, sinxron üzgüçülük, suya tullanma
idman növü ilə peşəkar şəkildə məşğul olmaq üçün hər şərait var.
Mənim minimum planım uşaqlara və yeniyetmələrəsuya tullanma yeni
idman növünə sevgi aşılamaq, onlara beynəlxalq suya tullanma
proqramının gözəl və möhtəşəm elementlərini öyrətməkdir. Gələcəkdə
isə gənc idmançılardan ibarət komanda toplamaq və Avropa və Dünya
çempionatlarında yüksək yerlərə çıxmaq perspektivi ilə beynəlxalq
turnirlərin qaliblərini yetişdirməkdir” deyə Suya tullanma üzrə
idman ustası, Avropanın gümüş mükafatçısı Mayorov Mixail Dmitrieviç
əlavə edib.